الرئيسيةالبوابةاليوميةمكتبة الصورس .و .جبحـثالتسجيلدخول
أفضل 10 أعضاء في هذا المنتدى
seif refaat
 
nancy el-adly
 
المواضيع الأخيرة
» لا تحزن
الإثنين ديسمبر 07, 2009 5:39 am من طرف seif refaat

» مقرر الأسرة 2010/2009
الإثنين ديسمبر 07, 2009 5:25 am من طرف seif refaat

» مواقع هامة جدا لكل دارسي القانون
الإثنين ديسمبر 07, 2009 3:38 am من طرف seif refaat

» إجراءات الحصول على كارنيه النقابة للمحامين الجدد ( جدول عام )
الإثنين ديسمبر 07, 2009 3:30 am من طرف seif refaat

» جدول الإمتحانات الفصل الدراسى الثانى 2008 / 2009
الإثنين أبريل 27, 2009 10:26 am من طرف seif refaat

» العلمانية
الإثنين أبريل 27, 2009 3:56 am من طرف seif refaat

» الموضة و الجمال
الأحد أبريل 26, 2009 12:33 pm من طرف seif refaat

» مسابقة " حدث و تاريخ "
الأحد أبريل 26, 2009 12:03 pm من طرف seif refaat

» الإصدار الرابع من مسابقة دوري المعلومات
الأحد أبريل 26, 2009 11:59 am من طرف seif refaat

تصويت

شاطر | 
 

 إجراءات الحصول على كارنيه النقابة للمحامين الجدد ( جدول عام )

اذهب الى الأسفل 
كاتب الموضوعرسالة
seif refaat
Admin
avatar

عدد المساهمات : 35
تاريخ التسجيل : 19/04/2009
العمر : 29

مُساهمةموضوع: إجراءات الحصول على كارنيه النقابة للمحامين الجدد ( جدول عام )   الإثنين ديسمبر 07, 2009 3:30 am

بسم الله الرحمن الرحيم
السلام عليكم ورحمه الله وبركاته
إجراءات الحصول على كارنيه النقابة للمحامين الجدد ( جدول عام )

- أولاً : سحب الطلب من النقابة الفرعية التابع لها .

- ثانيًا : إستيفاء الأوراق المطلوبة فى الطلب وهى :-
1- شهادة ميلاد أو مستخرج رسمى منها .
2- صحيفة الحالة الجنائية حديثة وموجهة للنقابة .
3- شهادة من أحد المحامين المعتمدين من النقابة بالنقد أو بالإستئناف العالى على الأقل كالنموذج الموضح فى الطلب .
4- شهادة تحديد موقفك من الخدمة العسكرية ( لمن يهمه الامر ) .
5- شهادة الحصول على الليسانس ( الشهادة المؤقتة ) .
6- إيصال تسديد نقود معتمد من النقابة .
7- ( 6 صور شخصية + صورة من البطاقة ) .
8- شهادة عن السمعة تعتمد من 2 موظفين من أحد المصالح الحكومية كالنموذج المرفق في ظهر الطلب .
9- شهادة من التأمينات .
10- شهادة تحركات من الجوازات .

- ثالثاً :-
- بعد أن يتم إستيفاء الأوراق المطلوبة يعتمد الطلب أولاً من النقابة الفرعية ويختم بختم النقابة بعد سداد رسوم الختم 2 جنية .
* الآن دور النقابة الرئيسية فى القاهرة *
- يبدأ العمل الساعة التاسعة صباحاً تذهب بجميع أوراقك أول ما تدخل على إيدك اليمين حتلاقى شباك تقديم الأوراق حيراجع الأوراق ويقولك روح هات إيصال الدفع من شباك 5 تروح شباك 5 وتقوله عايز أدفع جدول عام حيديك إستمارة تكتب فيها إسمك فى خانة الجزئى وتديها تانى لشباك 5 وهو حينادى إسمك تانى عشان يقولك تدفع فين وفى الغالب بيكون فى شباك 2 تدفع سيادتك في شباك 2 ( والرسوم إخوانى الأعزاء 1200 جنية مصرى )
تدفعهم وتاخد الإيصال عبارة عن أصل و 2 كربون تحتفظ بالكربون وتدى الأصل لأول شباك رحت فيه عشان تراجع الاوراق .
حياخد منك الإيصال ويديلك دوسيه وفيه جميع أوراقك تملأ البيانات الموجودة فى أول الدوسيه
كالإسم و العنوان و محل العمل اللى هو المكان اللى حتدرب فيه بس بخط كويس عشان دة ملفك فى النقابة اللى حيفضل معاك لأخر يوم .
حيحددلك يوم عشان تروح تانى تحلف اليمين وهو غالباً بيكون أول حد من شهر مارس وما تنساش تروح على الساعة 9 .
يومها تسال إمتى حيطلع الكارنية وهو يا أستاذنا حيتبعتلك على النقابة الفرعية التابع لها .
------------------------------------

* القيد بالجدول الإبتدائى بنقابة المحامين *
- ينص قانون المحاماه :-
- على إنه يلزم لنقل قيد المحامى لجدول الإبتدائى إن يجتاز إحدى دورات معهد المحاماه
وينشأ بكل نقابه فرعيه معهد للمحاماه يشرف عليه أعضاء مجلس النقابه الفرعيه
ويتولى المعهد إلقاء محاضرات عى المحامين الجزئى ويقوم بالتدريس بعض المحامين ذوى الخبره
والمحاضرات عباره عن معلومات عمليه عن مهنة المحاماه والغرض الأساسى منها تدريب المحامى حديث التخرج
على أعمال المحاماه العمليه .
------------------------------------
* - بالنسبة لإستيفاء الأوراق المطلوبة فى الطلب سوف أعرض لكم كيفية تنفيذ الإجراءات المتبعة فى معظمهم :-

4- شهادة تحديد موقفك من الخدمة العسكرية ( لمن يهمه الامر ) . ( للذكور فقط )
- يستطيع الأشتراك فى النقابة بعد أستخراج الشهادة وذلك بذهابهم إلى مديرية الأمن التى يتبعها كل منهم ومعاهم صورة الـ 6 جند وصورة شهادة الميلاد وصورة شهادة التخرج المؤقتة ويقوموا بطلب جواب إلى من يهمة الأمر هو كلة بـ 2 جنية أو بجنية واحد ويروحوا يطلعوا الكارنية علشان يستغلوا الوقت لصالحهم .

5- شهادة الحصول على الليسانس ( الشهادة المؤقتة ) .
- للحصول على الشهادة المؤقتة أتبع الآتى :-1- عدد 2 طابع خدمات تعليمية قيمة كل منهما 5 جنيهات . = 10 جنيهات .
2- مبلغ وقدرة 16.10 جنيه وعشرة قروش رسوم اسخراج حافظة التخرج .
3- عدد 1 صورة شخصية و بـ 5 جنيهات طابع خدمات تعليمية و مبلغ عشرة جنيهات رسم إستخراج الشهادة المؤقتة .
- يعني لمن يرغب مثلا فى استخراج ثلاث شهادات مؤقتة عليه ان يصطحب معه :-
1- عدد 2 طابع خدمات تعليمية قيمة كل منهما 5 جنيهات . = 10 جنيهات .
2- مبلغ وقدرة 16.10 جنيه وعشرة قروش رسوم اسخراج حافظة التخرج .
3- 3 صور شخصية + 3 طوابع خدمات تعليمية قيمة كل منهما خمسة جنيهات = 15 جنيها + 30 جنيه رسوم الثلاث شهادات حيث رسوم كل شهادة مؤقتة واحدة عشرة جنيهات .
9- شهادة من التأمينات .
- قبل ماتروح التأمينات اللى أنت تابع لها لازم تسحب من النقابة الفرعية ورقة تأمينات ( ثمنها 20 جنيه ) هيقعد يقولك أقل من 24 سنة ملوش تأمينات ماتسمعش كلامه خد الورقة منه وتروح بها التأمينات اللى تبعك وأديهم البطاقة و يكون معاك صور من البطاقة كمان وخليه يكتبلك ويمضيلك أنك معندكش رقم تأمين ولوعاوز تأخد رقم تأمين هيقولك هات شهادة الميلاد بس أنت ماتخدش رقم تأمين لأن أنت المفروض رايح تثبت إنك ملكش تأمين وحتى لو قالك أعملك رقم تأمين قولو لاء مش عايز وبعد مايمضيها أختمها من عندهم برضه .

- وبالنسبة للتأمينات :-
- ممكن تلاقى لما تروح ان ليك رقم تامينى مع انك مش مأمن ولا اشتغلت قبل كدة بس دة عادى الموظف بتاع التأمينات بيقول ان البيبى عندة رقم تأمينى ودى حاجة احنا بنعملها للمواطنين من نفسنا
بالنسبة لشهادة التأمينات بعد ما تاخد طلب من النقابة وتختمة وهناك وتدفع رسم 20 جنية حتروح التأمينات التابع ليها وتكشف على الكمبيوتر على الرقم التأمينى ممكن تلاقى لك رقم تامينى برغم انك لسة لم تعمل ولم تؤمن على نفسك و دة عادى المهم ان يكتبلك صيغة الأتى:
المذكور له رقم تـامينى وهو(.........) وليس له تغطية وغير مؤمن عليه ويختمها
يعنى عشان اللى مشتغلش فبل كدة ومعملش رقم تأمينى بنفسة ميتخضش هما بيعملوا لكل الناس من نفسهم بس اهم حاجة انة يكتب ان المذكور اللى هو انت ليس له تغطية و غير مؤمن علية وانت بس قول للموظف ان الجواب او الشهادة دى لنقابة المحامين وهو عارف الصيغة
وكمان الموظف هيديك ورقة بالكمبيوتر عليها كل بياناتك بما فيها الرقم التأمينى وانك غيرمؤمن عليك .

10- شهادة تحركات من الجوازات
- المستندات والاوراق المطلوبة :-
- لا توجد مستندات .
- الرسوم والمبالغ المطلوبة :-
1- 40 قـرشاً رسـم طابـع شـرطة على طلب إستخراج الشهادة بالنسبة للمصريين .
2- 190 قرشاً رسـوم نسخ الشهـادة بالإضـافة إلي 50 قرشاً عـن كل سنة مطلوب عنها الشهادة .
- ( يعنى تقريبا كده الرسوم الإجمالية كلها 3.50 جنيه { ثلاث جنيهات ونصف } ) .

- إجراءات تأدية الخدمة :-
1- يتم إصدار شهادات التحـركات إلى من يطلبها من أصحاب الشأن بالبيانات المتاحة بمصادر المصلحة المختلـفة للمواطنيـن والأجانب لتقديمها للـجهات الرسمية بعد التقدم بطلباتهم للمصلحة أو أحد فروعها .
2- يشترط أن يقدم الطلب من صاحـب الشأن أو وكيله الرسمى أو الممثل القانونى مرفق بة صورة من جواز السفر إن وجد أو صورة من بطاقة الرقم القومى .
3- تسلم الشهادة في اليوم الذى تحدده الجهة المسئولة لأستخراج الشهادادت .

- بالنسبة لتحركات الجوزات ( إذا كنت فى مدينة الإسكندرية ) هى فى محطة الرمل ( أما إذا كنت خارج مدينة الإسكندرية أذهب للمكان التابع لك ) المهم حاتروح من غير ورق من النقابة بس بتاخد صورة البطاقة وهما حايدوك ورقة وعليها دمغة بـ 3جنيه ونص ( 3.50 ) وهيقولك تعالى إستلمها كمان أسبوعين أو ممكن المدة تطول عن ذلك .

* - بالنسبة للكشف الطبى فاجراءاته كالآتى : -
- بالنسبة للكشف الطبى بتروح النقابة بتأخد منها ورقة وخلى بالك خليه يختمها لحسن حايرجعوك تانى وهتدفع فى النقابة 10جنيه ( لو انت من إسكندرية ) حاتروح بعد ماتختمها فى النقابة الفرعية إلى مستشفى النقراشى اللى هى بعد المرسى أبو العباس حاتديهم الورقة وتديهم 33.25 جنيه وربع حاتديك ميعاد تانى يوم مثلا تروح العيادة الشاملة فى الورديان ( ولو أنت خارج مدينة الإسكندرية روح المكان المخصص للكشف الطبى التابع لك ) .

- وبعد عمل الكشف الطبى بتقوم بالذهاب لعمل التحليل وهى كما ذكرت فى العيادة الشاملة ومكانها الورديان بالنسبة للمقيمين فى الإسكندرية لكن الذين هم خارج الإسكندرية يذهبون إلى مكان التحليل التابع لهم المهم الذى سوف تقوم به هناك هو :-

- اول لما تدخل بياخدوا الورقة بتاعت الكشف اللى قلتلكوا عليها وتديهم البطاقة الاصلية وهيديك رقم وبينادوا عليك برقم غرفة غرفة بس انا روحت قبل الساعة 10 كشفوا عادى بيعملوا تحليل بول ولازم تعمل البول عندهم لان اللى كانوا عاملين البول فى البيت وراحوا به قالولهم لاء لازم يتعمل هنا وبعدين بتعمل كشف العين بتخبى عين وتقول الاشارات لفوق وتحت وشمال ويمين كدة يعنى وبعدين بينادوا عليك تدخل عشان الوزن والطول وبعد كدة الباطن بيشوف ايدك ترفعها لقدام ولفوق وحايسألك عملت عملية قبل كدة وتخليك تكشف يعنى على البطن والصدر عشان بتشوف نبضات القلب بس وتطلع وتستنا شويا صغيرين هيديك الورقة بتاعت الكشف اللى خدوها فى الاستقبال مكتوب فيها النتيجة سليم والتحليل سلبى والنظر شوف بقى 6على 6 مثلا وفى الاخر لائق بس بسرعة خالص ومفيش كشف اسنان سهل خالص الكشف .

- ملاحظات هامة جداً :-
1- يجب عليكم عمل الكشف الطبى وختمه بختم النقابة الفرعية قبل الكشف وبعد الكشف .
- لإنكم لو مختمتوش أى ختم ضرورى من النقابة الفرعية هتدفع على كل ختم ناقص 10 جنيه فى النقابة الرئيسية فى مصر .
------------------------
* - حاحطلكم حوالى كده المبالغ المستحقة لأستخراج كارنية النقابة :-
1- مصاريف الكارنية : 1200 جنيه .
2- شهادة تحديد موقفك من الخدمة العسكرية ( لمن يهمه الامر ) . ( للذكور فقط ) : 2 جنيه .
3- الشهادة المؤقتة : 41.10 جنيهاً للشهادة الواحدة , وكل شهادة زيادة حاتزود عليها مبلغ 15 جنيهاً( طابع بـ 5 جنيهات ورسم الشهادة عشرة جنيهات ) .
4- شهادة التأمينات : 20 جنيهاً.
5- شهادة التحركات من الجوازات : 3.50 جنيه
6- الكشف الطبى : 33.25 جنيه .
- إذن الملبغ الإجمالى : 1200 + 2 + 41.10 + 20 + 3.50 + 33.25 = 1299.85 جنيه للذكور .
- إذن الملبغ الإجمالى : 1200 + 41.10 + 20 + 3.50 + 33.25 = 1297.85 جنيه للإناث .
- يعنى تقريباً كده المصاريف السابقة و مصاريف المواصلات لما تسافر القاهرة وترجع و مصاريف أخرى حايبقى المبلغ الإجمالى حوالى 1375 جنيه .
منقول
الرجوع الى أعلى الصفحة اذهب الى الأسفل
http://a7lamna.yoo7.com
 
إجراءات الحصول على كارنيه النقابة للمحامين الجدد ( جدول عام )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أسرة أحلامنا :: أحلامنا كلنا :: موضوعات الأعضاء و الزوار-
انتقل الى: